CLICK HERE FOR BLOGGER TEMPLATES AND MYSPACE LAYOUTS »

Monday, May 11, 2009

ချစ်တယ်




ကျွန်မအချိန်တွေကို ကြောက်တယ်… အထူးသဖြင့် ငါးနှစ်ဆိုတဲ့အချိန်တစ်ခုရောက်လာမှာကို အကြောက်ဆုံးပဲ… အရင်တုန်းကတော့ ထင်ခဲ့တယ်… ဒီလိုအရာမျိုးတွေ ကျွန်မဆီကို ဘယ်လိုမှရောက်မလာနိုင်ဘူး… ဇာတ်လမ်းထဲမှာပဲ ရှိတတ်တာလို့… ဒါပေမယ့်လေ အခုတော့ မယုံကြည်နိုင်လောက်အောင် ငါးနှစ်ဆိုတဲ့အချိန်တစ်ခုက ကျွန်မကို ချိန်းချောက်နေပြီ…

ကျွန်မချစ်ရတဲ့သူတစ်ယောက်က နောက်ငါးနှစ်အထိပဲ သက်တမ်းရှိတယ်တဲ့… ကျွန်မ ဘယ်လိုမှ မယုံရဲပါဘူး… မယုံချင်ပါဘူး… သေခြင်းတရားဆိုတဲ့အရာကို ကျွန်မနီးနီးကပ်ကပ်ထိတွေ့ခွင့်ရခဲ့တာ လွန်ခဲ့တဲ့တစ်နှစ်ကျော်ကျော်လောက်ကပေါ့… ကျွန်မရဲ့သူငယ်ချင်း တစ်ယောက် ယာဉ်တိုက်မှုဖြစ်ပြီး ပွဲချင်းပြီးဆုံးသွားခဲ့တယ်…

ကျွန်မရဲ့အဖိုးနှစ်ယောက်ဆုံးဖူးပါတယ်… ဒါပေမယ့် ကျွန်မမငိုခဲ့ဖူးဘူး… သိပ်ပြီးအနီးကပ်မနေခဲ့ဖူးလို့ဖြစ်မှာပါ… ဒါပေမယ့် ကျွန်မသူငယ်ချင်း… ဒါတောင်သိပ်ရင်းနှီးလှတဲ့ သူငယ်ချင်းမဟုတ်ပါဘူး… သူဆုံးတော့ ကျွန်မရှိုက်ကြီးတငင်ငိုကြွှေးခဲ့တယ်… အဲဒီအရာကြီး ကျွန်မစိတ်ထဲကနေပျောက်သွားဖို့ တော်တော်အချိန်ယူခဲ့ရပါတယ်… အခုတော့ ကျွန်မချစ်ရတဲ့သူ… အား… ကျွန်မဘယ်လိုယုံရမှာလဲ…

ကျွန်မတို့နှစ်ယောက်ရဲ့ချစ်ခြင်းက ဖြူစင်တယ်… ဘာအရောင်မှ မပါဘူး… အဖြူထည်သက်သက်ကလေး… သူငယ်ချင်းလိုအချစ်၊ မောင်နှမလိုအချစ်၊ နောက်ဆုံးသမီးရည်းစားလိုအချစ်… အဲဒါတွေအကုန်ပါချင်ပါမယ်… ဒါပေမယ့် ဖြူစင်တယ်… ကျွန်မတို့နှစ်ယောက်လုံး တစ်ယောက်ကို တစ်ယောက်ပိုင်ဆိုင်ဖို့ မကြိုးစားကြဘူး… ဘာကြိုးနဲ့မှ ချည်နှောင်ဖို့လည်း မစဉ်းစားဘူး… မချည်နှောင်ပဲနဲ့ ကျွန်မတို့နှစ်ယောက်လုံးသိကြတာက တစ်ယောက်နဲ့တစ်ယောက် ရုန်းထွက်နိုင်တော့ဘူးဆိုတာပဲ… ဆိုင်သူတွေကိုယ်စီ ရှိချင်ရှိကြလိမ့်မယ်… ဒါပေမယ့် တစ်ယောက်နဲ့တစ်ယောက် စိတ်ထဲမှာရှိနေရုံလေးနဲ့ အတွေးကိုယ်စီအေးမြနိုင်တယ်…

ကျွန်မတို့နှစ်ယောက်မြတ်နိုးစွာနဲ့ တွယ်တာမိတယ်…
ခွဲလို့မရအောင်လည်း နှောင်တွယ်မိတယ်…
မုန်းလို့မရအောင် ချစ်မိသလို…
မေ့လို့မရေအောင်လည်း လွမ်းမိကြတယ်…

ဘယ်သူတွေက ဘာတွေပြောနေပါစေ… ဘယ်သူတွေက ဘာတွေထင်နေပါစေ… ငါးနှစ်ဆိုတဲ့အချိန်ကာလတစ်ခုကို ကျွန်မတို့နှစ်ယောက် မေ့ထားပြီး တစ်ယောက်အတွက်တစ်ယောက် အကောင်းဆုံးဖြစ်အောင်ကြိုးစား၊ လျှောက်တဲ့လမ်းချင်းမတူတူအောင်ငြှိရင်း ပြန်လှည့်လို့မရတဲ့ခြေလှမ်းတွေ တစ်ထပ်ကြီးနဲ့ သက်ပြင်းတွေချလို့ ချစ်တယ်ဆိုတဲ့စကားကို ဘယ်သူမှမကြားရလေအောင် ရင်နင့်စွာပြောဖြစ်နေဦးမှာပါ…

Saturday, May 2, 2009

ဂျစ်ပစီပြောတဲ့ကောင်းကင်

ကျွန်မဆီမှာ ပျော်ရွှင်မှုတစ်ခု ပျောက်ဆုံးနေတာ တော်တော်ကြာပြီ… ဘယ်အချိန်ထဲကလည်းဆိုတာတော့ ကျွန်မတိတိကျကျစဉ်းစားလို့မရဘူး… ဒါပေမယ့် သေချာတာတစ်ခုကတော့ ဟောဒီကျွန်းလေးပေါ်ကို မရောက်ခင် အချိန်တစ်ခုတည်းကပါ… ရောက်လာတဲ့အချိန်မှာတော့ ပိုဆိုးလာတာ အဟုတ်ပဲပေါ့…

ဒီမှာနေရတဲ့ဘဝက စိတ်ပူပန်စရာများလှပါတယ်… မိဘရင်ခွင်နဲ့ဝေးနေတော့ အရင်လို “အဆင်သင့်”ဆိုတာ ဘာမှ မရှိတော့သလောက်ပဲ… ဒါပေမယ့် ဒါကအဓိကမဟုတ်သေးဘူး… လူဆိုတာတစ်ကြိမ်တစ်ခါတော့ အိမ်လွမ်းဖူးကြတာပဲလေ… တိုးတက်ရာတိုးတက်ကြောင်းရှာတဲ့အချိန်မှာ ဒါတွေကြုံလာမှာပဲဆိုတာ ကျွန်မမျှော်လင့်ပြီးသားပါ…

ဒါပေမယ့်တစ်ခုကဘာလည်းဆိုတော့… ကျွန်မကိုယ်ကျွန်မ ပျော်ရွှင်နေတဲ့သူတစ်ယောက်အဖြစ် မမြင်တွေ့ရတော့တာပဲ… ဟုတ်တယ်… ကျွန်မကိုမြင်ရင် လူတိုင်းကို များသောအားဖြင့် ပြုံးပြနေတာမြင်လိမ့်မယ်… တကယ်ကိုလှိုက်လှိုက်လှဲလှဲပါပဲ… ဒါပေမယ့် ကျွန်မစိတ်ထဲမှာ လုံးဝမပျော်ဘူး…

ကျွန်မမှာ အကောင်အထည်ဖော်ရမယ့် အိမ်မက်တွေရှိတယ်… တစ်ချိန်ထဲမှာပဲ ကိုယ့်ကိုယ်ကို ရည်ရွယ်ချက်ပျောက်ဆုံးနေသလို ခံစားရပြန်တယ်… အဲဒီအိမ်မက်တွေ ဖြစ်လာခဲ့တဲ့တစ်ချိန် ကျွန်မပျော်ရွှင်နိုင်မယ်လို့ ယုံကြည်မှုမရှိဘူး… အဲဒီအိမ်မက်တွေကို မဖြစ်ဖြစ်တဲ့နည်းနဲ့ရယူဖို့ ကျွန်မကိုပေးနေတဲ့တွန်းအားတစ်ခု မရှိဘူး… အဲဒီအိမ်မက်တွေ ဘယ်မှာလဲ… မသိဘူး…

ကျွန်မအိမ်မက်တွေ တကယ်ဖြစ်လာတဲ့အချိန်မှာ ဂုဏ်ယူနေတဲ့မိဘတွေကို ကြည့်ပြီး ကျွန်မပျော်မှာလား… ဒါမှမဟုတ် ဝိုင်းပြီး လက်ညိုးထိုးချင်တဲ့သူတွေ ကျွန်မအိမ်မက်တွေအကောင်အထည်ပေါ်တာကိုမြင်၊ သူတို့တွေမှင်သက်ပြီး ဘာမှမပြောနိုင်တော့တာကို ကြည့်ပြီး ကျွန်မပျော်နေမလား… ဒီလိုမဟုတ်ရင်ရော? ကျွန်မအိမ်မက်တွေအတိုင်း ကျွန်မကြောင့် သူများတွေရဲ့ဘဝလေးမြင့်မားသွားတာ၊ တစ်နည်းနည်းနဲ့ ကျွန်မကြောင့် သူတို့အကျိုးတစ်ခုခုရှိသွားတာ… အဲဒါတွေကို ကြည့်ပြီး ကျွန်မပျော်ရွှင်မလား…

အိမ်မက်စမက်တဲ့အချိန်တုန်းက ကျွန်မမှာ ယုံကြည်မှုအပြည့်ရှိခဲ့တယ်… အဲဒီယုံကြည်မှုတွေ အခုဘယ်မှာလဲ… ဖြစ်နိုင်မယ်ဆိုရင် အခုချိန်မှာ တစ်ခုတည်း……………… ကျွန်မယုံကြည်တာတွေကို ဖြစ်စေဖို့ တွန်းအားလေးတစ်ခုပေးပါ… ဘာလို့လဲဆိုတော့ ကျွန်မကိုယ်တိုင်ရော၊ ကျွန်မရဲ့ဘေးကလူတွေမှာရော အတွေးတစ်ခုပဲရှိကြတယ်…

“ကျွန်မဒီနေရာမှာတင် မရပ်နေရဘူး”